هايدى دياب ادارة المنتدى
عدد المساهمات : 246 العمر : 38 العمل/الترفيه : الكتابه والعزف
| موضوع: مش بيعبّر الأحد يونيو 05, 2011 2:23 am | |
| [ندعوك للتسجيل في المنتدى أو التعريف بنفسك لمعاينة هذه الصورة] ]مش بيعبّر بارد
رايق
مش في دماغه
وصد مشاعري حتت صدّة !
أصل بحب ف واحد عايش من أيام السينما الصامتة
لما يحب مش بيعبّر
وف عز مشاعري .. ف قلبي يدمّر
رغم يقيني بحبه ليا
نفسي أسمعه بيقولي بحبك
يوم ما أطلبها .. يحن عليا
يقولي.. روحي اسألي قلبك
واااه لو ليلة غازل فيا
بصوته يلم الناس عليا
ويجمع كل كلامه الدبش
ف صُحبة جميلة ويهديها ليا
حاسه معاه إن انا واحد صاحبه.. مش بنوتة وليها كيان
عنده الحب جوا ف قلبه ومش محتاج يقولي كلام
نظراته شاردة
ولمساته بارده
وياسلام بقى لو أهدالي وردة
يقدمهالي بشكل مهين
ولازم أخدها أكيد وأنا ساكتة
فارسني .. تاعبني .. وله حركات دايماً تـإلمني
وعارفين ليه أنا صابرة عليه ..؟!
أصلى بحبه .. وده مجنني .
*********************
مش بيعبّر
قصيدة جديدة من ديوان جوليت
بقلم / هايدى دياب
| |
|