مهر عروسة بقلم هايدى دياب

[ندعوك للتسجيل في المنتدى أو التعريف بنفسك لمعاينة هذه الصورة]

مهر عروسة
[ندعوك للتسجيل في المنتدى أو التعريف بنفسك لمعاينة هذه الصورة]
مهر عروسة

أكيد محظوظة

هتقول طالبه مواصفات إيه

واللي ح تتوفر في صفاتها هي هتبقى موافقه عليه

مهري ح يضمن باقي حياتي

فلازم أرتب ده في كلماتي

عايزه حب يبان في عينيا

يخطف قلبي بالحنيه

يملى عليا الدنيا بحالها

ولا يوم يقسى لحظه عليا

عايزه حياة مليان غرام

ويسمعني أحلى كلام

وعمر ما يكدب لحظه عليا

وأبقى حاسه معاه بأمان

عايزه أعيش في قصيده جميله تبقى في حي للعشاق

يوم القلب يدوب ويحب ويوم القلب يعيش مشتاق

يوم فى تقل يوم في غيره يوم فيه حيره ويومين أشواق

أما البيت مش عايزه قصور ولا مملكه يحكي عنها الناس

يكفي يكون في بنا احترم و مشاعر مليانه بالإحساس

بيتي هيكون هادي رقيق مليان بشموع وورود وريحان

مش عايزه عزول مش عايزه حسود وهبخر من شر الوسواس

أما أنا هبقى أميره بجد لا في زيها ولا ليها بديل

صدق مشاعري أكيد يشفعلي وكمان هاوهب حب كبير

وأنا هتحدي أي صعاب وانا إيدي في إيدو سوى هنعدي

أي هموم ومشاكل تيجي هنعديها ولا يوم يبقى في مستحيل .

[ندعوك للتسجيل في المنتدى أو التعريف بنفسك لمعاينة هذه الصورة]
بقلم / هايدى دياب

من ديواني القادم ( جوليت )

الفكره ما هي الا مجرد حاله

لا تعبر عن الكاتبة ولا عن شخصيتها ولكن هي حاله مختلفه

أحببت أن أعبر عنها بعيداً عن كياني كـ هايدى

ياريت الصوره تكون واضحه حتى لا يحدث أي دمج

أتمنى ان تنال كلماتي وفكرتي إعجابكم

تحياتي وتقديري

جميع الحقوق محفوظة للكاتبة

» لما ضعفت بقلم هايدى دياب
» علمتني الحياة .. بقلم هايدى دياب
» دعني أحبك .. بقلم / هايدى دياب
» العمر بقلم:هايدى دياب - دنيا الرأي
» مقال الحق يتقال .. بقلم / هايدى دياب