سنظل أخوة

موضوع: سنظل أخوة الجمعة يناير 07, 2011 12:50 pm

[ندعوك للتسجيل في المنتدى أو التعريف بنفسك لمعاينة هذا الرابط]

سنظل أخوة

مهما يحولوا يفرقونا

أو حتى في بعض يكرّهونا

أو يدخلوا بينّا و يبعدونا

سنظل أخوة

الإنسانية مش محتاجة نسأل مين وديانتك إيه

طول العمر علم مرفوع هلال وصليب مرسومين عليه

صوت الآذان أو جرس الكنيسة

الاتنين..اتربينا عليه

مسلم مجروح وايد مسيحي

بتمسح كل دموع عينيه

سنظل أخوة

مهما يحولوا يفرقونا

أو حتى في بعض يكرّهونا

أو يدخلوا بينّا و يبعدونا

المصريين دايماً قسمين الفرحة اتنين

عيد كريسماس.. عيد كبير، رمضان غطاس في فرحتين

عمر ما يوم سألنا بعض انت جرجس ولا حسين

في الهدايا متبادلين

فرح جرح متشاركين

وفي أي مكان بيقولوا علينا المصريين

مهما يحولوا يفرقونا

أو حتى في بعض يكرّهونا

أو يدخلوا بينّا و يبعدونا

سنظل أخوة .

بقلم / هايدى دياب